Khawilam chhingkual emaw kan intawn
Hrui ang zawt nang che i hming leh khua
He hla hi Zirsangzela Hnamte-in an thianpa Hmingthanzama, Table Tennis Cup
lâk an lawmnaah chawp leh chilh taka a phuah a ni. He hla tawite hian chumi
zana an hlim dan chu a phawk chhuak viau awm e. Chawp leh chilh a hla phuah
thiam hian mi bik a nihzia chu a pholang awm e. Amah ngeiin “Hmanlai mite
anga chawp leh chilha thil thleng leh hmuh, a hmun la laa phuah nghâl mai hi
chu thil khirh tak niin ka hria. Hetiang hla phuah hi pahnih khat chu ka nei
ve a, a thuah chuan engmah harsatna a awm lem lova; mahse a thlûk bawk hi a
ni,” tiin a sawi nghe nghe.
Ramhluna Hnamte chuan heti hian a sawi “Saji (Zirsangzela) hi artist dik tak a ni, guitar tuk a thiam a, platform shoe a tuk thiam bawk a, painting a thiam em em a, fabric painting thlengin a thiam hle. Kan T-shirt ah te hian khang hun laia rock star, kan idol ve em em ho thla kha min paint sak thin a, kan chhuang thei a sin,” tiin.
Thurawnna: "Zirsangzela leh a hlate" by R.L. Thanmawia
He hla hi nalh ka tih em vang leh Pu Zirsangzela Hnamte hi ka ngaisang em vang a ni.
4 comments:
He hla hi kei pawh ka la ngaithla zeuh zeuh thin, a nalh khawp mai.
Zirsangzela hi - thangthar zingah chuan hla phuah thiam bera chhal ngam a ni hial ang. A hla hi han chhiara tak ngun si lo hian a ril ru riau thin.
Han ziak zel rawh, kan lo chhiar zel ang.
Pu RL Thanmawia'n a ziah hi an siamthat hmain ka copy a, a darh sarh nuai a, mahse a chhiar a manhla tho mai.
he hla a phuah chhan Hmingthanzama hi Mission Veng pa, Synod Hr. Sec. School zirtirtu hi a nih hmel.
Zirsangzela hi chu amah hrim2 hi a cial(special) ve lom. Thlam rauhsan hnu a hmuh atang ringot poh a hla mawi deuh phuah thei kha ni ve tlat.
Post a Comment