Ticktock

Wednesday, September 10, 2008

Mizoram Holiday: Ka mimal ngaihdan

Mizoram Calendar 2008 ka thlir vang vang a, chawlh kan ngah ka ti ang reng. A chang chuan ni zawna chawlh te kan nei nual. Ka en thuak thuak atangin heti hian kan tarlang ang e -

Holiday zawng zawng - 26 (Chawlhni leh Inrinni tiam lovin)

Restricted Holiday - 16

Restricted holiday te hi in bihchiang deuh ta ila -

Pongal, Guru Ravidas B'day, Basanta Panchami, Rabindranath B'day, Ratha Yatra, Hazarat Ali's B'day, Parsi New Year, Onam, Jamat-Ul-Vida, Dussehra (2 days), Deepavali, Govardhan Puja, Bhai Duj, Guru Teg Bahadur's Martyrdom Day, Easter Monday.

Han en vang vang ula Mizo tana chawlh han lakna chi awm in ti em? Easter Monday tih loh khi chu hnam dang chawlh deuh vek a ni. Restricted holiday hi kum khatah ni 2 kan la thei a, Casual leave pangngai CL kan tih hi ni 8 kan la thei thung. Mizo tana Restricted holiday a chawlh han dilna atana inhmeh chiah lem lo a ni hlawm. Tin, a zahve khi chu a tul ber ka ti lem lo khawp mai. Christmas bawr leh New Year festival chho vel bawrah hian pakhat mah a awm lo thung!

Holiday pangngaiah hian tul lo a tam a, an soi fo thin bawk a, kei pawn sawi ve duh ka nei. Duh vanga chawl kan ni bik ngawt lova min sawisel fo mai a, keini aia thu hnena sawi ngam der si lo.

South Indian festival-a kan han chawl ringawt te hi a ho ka ti ve tho. Mizoramah hian South Indian an tam vak awm lo ve Sorkar hnathawk chu.

Maha Shivaratri 6th March:

Milad-Un-Nabi (B'day of Muhammad) 21st March:

MHIP Day 6th July: A khai fual ho kan han chawl ve zel hi chu keima mimal ngaihdan chuan ho chu ka ti deuh. Restricted Holiday ni se, hmeichhe ho, MHIP lam mi deuhten la mai thin se a tha zawk awm e.

May Day 1st May: Ram dangah chuan a chawl pawl an awm pawh a niang, Mizoramah chuan a tul ber ka ti lem lo.

Buddha Purnima 20th May: Lord Buddha piancham ni ngei tur a ni. Mizoram sorkar hnathawkah Buddhist sakhaw zuitu an tam vak awm love.

Ram Navami (Vaisnava) Mesadi 14th April: Lord Ram-a piancham a nia. hei pawh hi tul ka ti lem lo khawp mai, Mizoram atan chuan.

Mahavira Jayanti 18th April: In Jainism, Mahavir Jayanti is the most important religious holiday. It celebrates the birth of Mahavira, the last Tirthankara. He was born on the 13th day of the rising moon of Chaitra, in either 599 BC or 615 BC (depending on religious tradition).

Dussehra 9th October: This day marks the triumph of Lord Rama over Demon king Ravana. On this day, Rama killed Ravana. He ni vethung hi chu Lord Rama and Demon king Ravana a that hriat reng nan a Hindu ho lawmthu sawina a ni ber awm e. Mizo tan chuan a ho lam deuh a ni. Restricted holiday atan pawh a ho ka ti.

Diwali 28th October: In North India, it is the homecoming of King Rama of Ayodhya. Hei pawh Lord Rama kaihhnawih bawk. KIng Rama, Ayodhya-a a lo haw leh lawmna kut a ni e. A bul vel hi preparation atan Restricted Holiday a awm nual bawk.

Guru Nanak' B'day 13th November: Sawi ngai lovin hei chu a hriat viau mai.

Id-Uz-Zuha (Bakrid) 9th December: Eid al-Adha tih awm zawk tak a ni. Abrahama'n a fapa Allah tana hlan a tum hriatrengna ni a nia. A hlan tur a fapa hi. Kristian ten Isaka kan tih laiin Muslim-te chuan Ismaela an ti ve thung.

Kan sawi tawh angin Casual Leave hi kum khat atan ni 8 kan nei a, a tam lem lo khawp mai, kan Mizo Society-ah chhiatni thatni a in lenpui kan ni si a. Vawi khatah ni 2 bak a dil theih lo lehnghal. Buaithlak chang a tam khawp mai. Holiday hi tlem deuh se, Inrinnite pawh hi Central-a an tih danin kal ve tawh ila, Casual leave hi ni 12 vel tal nei ta thung ila a tha lo maw? Inrinni kal hi ka pawiti der lo. Thla khata Inrinni hmasa ber chawl ila, a bak zawng chu Bank ho angin chawhma kal ta ziah ila ka hreh miah lo. Kan Chief Secretary ni lai hian vawi 1 chu a sawi ka hre tawh a, Sorkar hnathawk Inrinni chawlh nachhan pakhat chu vantlang tana an inhman theih nana tih a ni, a tia. A tam zawk hi chu Inrinni hian vantlang tan kan thawkchhuak lem awm love. Kei chu vai chawlh nazawnga chawlh a, mahni pawimawha chawlh theih leh si loh hi ka ning teh a nia. Ka exam laiin ka buai phah hrep tawh a. Earned Leave la dawn ila, subject exam hun a inkar hlat bawk si, manganthlak duh ve tak a ni.

Vawi khat chu Mitthi inah, thingpui lumnaah kan YMA hruaitu pakhat hian heti hian a sawi a "Thlan lai an tlem thei riau mai, RK tan in lak a ngai a ni. Chumi khami.... etc pawh an kal lo...." Ni e, a buaithlak khawp mai tunlai thlan laih hi. Sorkar hna a hming in kan thawk a tawngpawng leave hi kan awmnaah chuan a buaithlak tlat. Kartin an duh hun hunah surprise check an nei fo lehnghal. Chung lamah lah chuan pu te hlir an ther fur a. Pu HL-a sawi dan takah Arsi chu bel duh phei sela chu dinglamah tuar(h) veilamah tuar(h) hlir an nia. Police ho phei chu tam takin 1 pawh tar tur an neih loh laiin an puten an motor-ah te an tar mai mai lehnghal. Kei ni Ak zat 2 hnuai lam, rawng lo lehnghalin chawlh han dil tawp a, a chhanah thlan ka lai dawn tih chu(h)! Ti lo law law rawh, mifing nihna. A nghet lo i nih phei chuan........!! Zing kara thlan laih a nih lai kha chuan kan lai ve fo a lawm. Office kal hmain kan haw a, office ah kan inhnawh puar leh mai a. Tunah te chuan chaw eikhamah an lai tawh a, buaithlak ve deuh a sin.

Kan peng ta duai a. Innei tur leh lungphun turte pawh hian Sorkar chawlhni te hi en deuh se, inrinni leh chawlhnia inneih leh lungphunte hi thil dik lo a ni hranpa lo. Zana tih te pawh hi i ching uar deuh ila a tha awm e. Mitthi ho lah chuan mi dang awlsam zawk nan holiday-ah le an ti der si lo, dan theih ni hek lo le. Kan thu lo em a tin ni e.

Office chhuahsan te hi in sawi in sawi a. Tute pawh hi, sorkar hnathawk pawn office dangte hi kan dawr ve a ngai thin tho. Electric bill te, tui bill te, phone bill te pek ve kan ngai thin tho. Holiday-ah chauh a pek hun an hawng kher lo. Office hour-a indawr ngai a nih chuan office chhuahsan ve zauh zauh hi chu a ngai lo thei lo, chuvang chuan min lo hrethiam ve deuh teh u. Mahse ka awmna atang hian Aizawl hi a hla deuh a ka chhuak peih chuang lo. Mizoram Univ a thawk ho te khu sin buaithlak tur chu.... khawngaihthlakin!

Hlawh tam tih chung changte pawh hi ka la sawi ve ang... kil khat atang ringawt hian min lo thlir teh suh u....