Ticktock

Monday, March 10, 2008

City chhunga Khua



Aizawl hi city chu a ni ve tawh a, mak ve deuh chu Village Council te hi kan la nei a, rei fe kha Aizawl Town Bus ti khan bus pawh kha a tlan thin. City tih tlak khawpa khawpui changkang leh ropui chu kan ni lo a ni. Aizawl City chhungah khua (village) te kan la awm mauh mai a! Chaltlang hi hman lai chuan khua chu a ni ngei thin a, mahse Aizawl City area a rinluh a nih takah chuan khua a nihna kha thaibo a ni tihna a ni dawn lawm ni.

Kan naupan deuh lai chuan 'Chaltlang te chu khua an nia, hriatthiam chin neih a ngai' te kan ti thin. In deuhsawhna tawngkam a ni thin. A haw pawl pawh an awm. Mahse a chunga milem khian khua/khaw nih hi an la duh zawk niin a lang. Chaltlang dawrkawn pelh, vaibelchhe road (!) an tih sira ka lak a nia. Veng hming, thil hming hrim hrim kan phuah hi a put hlen hian thangtharte hian eng angin nge an ngaih ang aw? City chhungah hi chuan veng bil hming (street?) ang chi phuah hi fimkhur a tha fu in ka ring. Heng te hi a nuihzatthlak ang reng -

1. Tekawnga Pa tuikhur veng (Kulikawn)
2. Vengchep (Model Veng)
3. Tamdo Veng (Maubawk)
4. Maite Veng (Bethlehem)

Kum 2008 a ni tawh a, changkanna lamtluang zawhin ke a theih chen chenah kan pen a, Chaltlang pawh hian khua/khaw danga an in dah reng hi kalsan a hun viau tawhin ka hria.